Berisha paralajmëron protesta: Do 'derdhemi' shesheve! Me Tiranën në krye, do fillojmë lëvizjen shpëtimtare për Shqipërinë, s'do ju zhgënjejmë

Në mbledhjen e kryesisë, Sali Berisha nuk i ndali akuzat kundrejt kryeministrit Edi Rama dhe qeverisjes së tij. Berisha e nisi fjalën e tij duke i vendosur theksin te zhvillimi i primareve, ku tha se kjo është një betejë për votën, ndërsa u bëri thirrje aleatëve që të bëjnë propozimet e tyre për çdo kandidaturë.

‘Ne vazhdojmë me përpjekjen tonë për një transformim të jetës së Partisë Demokratike në një forcë politike më demokratike, më të hapur. Që vendimmarrjen kryesore ia beson kryesisë dhe simpatizantëve të saj të cilët kanë investim të madh në këtë parti. Do të jenë ata që do përcaktojnë qytetarët e parë dhe këshilltarët e tyre parlamentarë dhe lokalë. Mendoj se kjo risi është një kontribut thelbësor i opozitës shqiptare në demokracinë e këtij vendi. Zbatimi i primareve nëpërmjet votës së lirë merr nje rëndësi të veçantë po të kemi parasysh qëndrimin antidemokratik që mbahet dhe që është mbajtur vitet e fundit ndaj votës së qytetarëve e ndaj votës në tersi e cila de fakto është përjashtuar plotësisht. Beteja për votën është një betejë për të vendosur në themel të shtetit ligjor vullnetin e lirë të qytetarëve shqiptarë. Por janë zhvilluar takime intensive me aleatët dhe kanë propozime te drejta dhe të arsyeshme dhe theksoj që këtu mirëpriten të gjitha sugjerimet e tyre, mirëpriten kandidaturat e tyre dhe nga shoqëria civile dhe bota akademike e vendit. Ne hapim një garë të paparë ndonjë herë në historinë e këtij vendi. Ndaj do të bëjmë gjithçka për suksesin e kësaj gare. Kjo është një sukses për demokracinë në Shqipëri.’- u shpreh Berisha.

Berisha paralajmëroi sërish protesta, ku tha se qytetarët mezi po presin që të protesojnë. Ish-kryeministri u ndal edhe tek bashëbisedimi i kryeministrit Edi Rama, me rektorët, për të cilin tha se është një injorant që rreh gjoksin se nuk ka master dhe doktoraturë. Sali Berisha tha se ai bashkë me aleatët do ta çojnë vendin drejt fitores së zgjedhjeve vendore, duke nisur nga Tirana.

‘Ne nuk do t’ju zhgënjejmë më Tirana në krye dhe beteja fillon. Do të marr takimin me të gjithë faktorët e frontit për shpëtimin e Shqipërisë do të fillojmë një lëvizje shpëtimtare për Shqipërinë. Përndryshe kjo qeveri nuk ka të ndalur. Kanë filluar të grumbullojnë letërnjoftimet. Kam informacione po grumbullojnë karta identiteti po përgatisin kasaphanë zgjedhore. Në do u dalim para. Në të gjitha takimet primaret ndryshojnë nga zgjedhjet. Asgjë nuk na detyron të shmangemi nga procesi zgjedhor dhe nga fitorja.’- u shpreh Berisha.

Rendit zhvillimet sipas orarit:

Të Fundit Të Parat

M.Q./Shqiptarja.com

TAG:
• edi rama
• zgjedhjet vendore 2023
• PD
• Tirane
• sali berisha