Zgjedhjet vendore, Sako inspekton punimet në shkollën ‘Naim Frashëri’ në Durrës: Do jetë me standarde evropiane

Kryetarja e bashkisë së Durrësit, Emirjana Sako e cila kërkon votën e durrsakëve për 14 majin nën siglën e Partisë Socialiste, inspektoi punimet për rindërtimin e shkollës së mesme “Naim Frashëri”.

‘Objekti i ri do të jetë me standarde evropiane, me standarde shumë të mira për zhvillimit e aktivitetit mësimor, por edhe për jashtë-shkollor në mënyrë që të kenë kushte optimale për realizimin e procesit mësimor. Ne do tentojmë që këto shkolla t’i kemi të hapura edhe për publikun pasdite që të shfrytëzohen nga komuniteti, të jenë shkolla komunitare. Përdorimi i palestrës e ndihmon dhe komunitetin në zonë që të mos ketë lidhje me gjithë objektin e shkollës, por të ketë një akses të veçuar.’- tha Sako.

Ndërtimi i godinës së re të shkollës së mesme Naim Frashëri me 850 nxënës financohet nga Bashkimi Evropian nëpërmjet programit EU4Schools zbatuar nga UNDP. Kjo shkollë ka një traditë të gjatë në arsimimin e brezave në qytetin e Durrësit dhe prej kohësh ka qenë ndër shkollat më të suksesshme. Në qytetin e Durrësit kanë përfunduar 18 godina të reja arsimore, të cilat u shembën pas dëmtimeve që pësuan nga tërmeti i vitit 2019. Dhe shumë të tjera janë në proces.

M.Q./KT/Shqiptarja.com

TAG:
• Emirjana Sako
• zgjedhjet vendore 2023
• Durres