Zgjidhet problemi, ish të përndjekurit minatorë do dëmshpërblehen

Vetëm një muaj pasi ish-të përndjekurit që kanë punuar në miniera thirrën në interpelancë Ministrin e Financave, Arben Ahmetaj, merr zgjidhje problemi i tyre. Ditën e sotme, në mbledhjen e Qeverisë u miratua projektligji që do të bëjë të mundur njohjen e kohës së punës në miniera për efekt pensioni.

Mbi bazën e këtij vendimi, të gjithë ata që gjatë kohës së burgimit kanë kryer punë të rëndë në nëntokë, do të shpërblehen për kohën e punës njësoj si paga e minatorëve. Një vendim i tillë do të ketë një efekt të menjëhershëm, në përmirësimin e pensioneve të kësaj kategorie.

Njëkohësisht, projektligji i miratuar ditën e sotme i jep kësaj kategorie një tjetër të drejtë, pasi koha e shpenzuar në minierë njihet sa dyfishi i kohës së qëndrimit në burgje. Një vendim i tillë do të sjellë gjithashtu efekte mbi dëmshpërblimet e ish-të përndjekurve për kohën e burgimit të padrejtë në periudhën e komunizmit.

LEXO EDHE:
50 medikamente të reja për sëmundjet onkologjike, Koçiu: Shtim të numrit të fishave të diabetit falas

E thënë ndryshe, nëse një person ka kryer pesë vite punë në minierë gjatë burgimit, ai do të dëmshpërblehet jo më për pesë, por për dhjetë vite burgim. Për personat që nuk janë në jetë, përfitues do të jenë trashëgimtarët e tyre ligjorë. Projektligji do të fitojë efekt të plotë brenda disa javësh, pas miratimit të tij në Kuvend.

Me këtë akt, shteti shqiptar vendos në vend një padrejtësi thuajse 25-vjeçare, periudhë gjatë të cilës ish-të përndjekurit e minierave janë trajtuar njësoj si bashkëvuajtësit e tyre në burgjet e tjera të vendit, ku nuk ka qenë e përfshirë puna e detyruar. Thirrja në interpelancë e ministrit Ahmetaj, më parë gjatë muajit shkurt, u mundësua falë Portalit të Bashkëqeverisjes, në “shqipëriaqëduam.al”.

Falë kësaj risie, të përuruar në fillim të mandatit të dytë të qeverisë, me grumbullimin e 100 firmave, çdo kategori apo shtesë e popullsisë që shqetësohet nga një problem i caktuar, mund të thërrasë në interpelancë vetë kryeministrin ose cilindo ministër apo drejtor të lartë që mund t’i japë zgjidhje shqetësimit të tyre.

TAG:
• ish te perndjekurit minatore

Sondazhi i ditës:

'Rasti Qefalia', a fshihen gjobat pas akuzave të Këlliçit, Nokës, opozitës?

• Po

  69.3%

• Jo

  18.7%

• Ndoshta

  12%

Vota total: 2669

Votat totale janë unike

• Sondazhi i ditës:

  'Rasti Qefalia', a fshihen gjobat pas akuzave të Këlliçit, Nokës, opozitës?

  Po Jo Ndoshta