POP 5

Lajmet më të lexuara të 5 minutave të fundit

Kronikë

Zgjohet Prokuroria,hapen dosjet
që bllokuan prokurorët e Llallës

Vetëm 8 ditë pas largimit të kryeprokurorit të Elbasanit, çështja shkoi në gjykatë, e kishte që nga 2 tetori. Vetëm pas 8 ditësh pas ikjes së Ginës nga detyra e drejtuesit, prokurori i ri, i emëruar nga Arta Marku Ardian Nezha, ka urdhëruar që çështja të dërgohet në gjykatë.  VIDEO

Dosja ndaj drejtuesve të kompanisë “Kurum” K. Z. dhe Y. A. ka qënë e qepur dhe “blindur” me prova, por çuditërisht nuk po merte dot zgjidhje, nga ish-drejtuesi i prokurorisë së Elbasanit, Dritan Gina. Çështja penale është hetuar nga prokurorja Amanda Xhaferi, e cila pak kohë më parë pati një përplasje me Dritan Ginën, pasi ky i fundit në cilësinë e drejtuesit të prokurorisë i ka kërkuar që të japë dorëheqjen nga dosja.

Prokurorja Xhaferi nuk ka pranuar pasi sipas saj me ndryshimet e reja ligjore drejtuesi i prokurorisë nuk mund ti heqë nga duart dosjen penale një prokurori që po e heton çështjen që në fillim. 

“Shqiptarja.com” mëson se dosja ka qënë gati për t’u çuar në gjykatë, pasi thuajse i gjithë hetimi dhe akti i ekspertimit kontabël që përcaktonte dhe dëmin ekonomik që komapania “Kurum”, i ka shkaktuar buxhetit të shtetit, kishte përfunduar. Mirëpo me një vendim të menjëhershëm në datën 2 tetor 2017 drejtuesi i prokurorisë së Elbasanit Dritan Gina, ka vendosur t’i heqë dosjen prokurores Amanda Xhaferi dhe t’ia japë çështjen një prokurori tjetër.

Që prej 2 tetorit e në vazhdim dosja dyshohet të jetë mbajtur qëllimisht në prokurori, duke mos u dërguar në gjykatë. Arsyet e këtij vendimi për të mbajtur çështjen në prokurori, i di vetëm ish-kryeprokurori Dritan Gina. Por Gina në 9 janar 2018 u detyrua të lerë zyrën e drejtuesit të akuzës së Elbasanit duke u rikthyer në Tiranë aty ku ka dhe dekretin. Ndërkohë vetëm pas 8 ditësh pas ikjes së Ginës nga detyra e drejtuesit, prokurori i ri, i emëruar nga Arta Marku Ardian Nezha, ka urdhëruar që çështja të dërgohet në gjykatë.

Gjithashtu “Shqiptarja.com” mëson se gjatë ditës së djeshme gjykata e Elbasanit ka vendosur të pranojë kërkesën e prokurores Amanda Xhaferi për të shpallur moskompetencën dhe çështjen t’ia kalojë gjykatës së Kavajës.

Do jetë pikërisht kjo gjykatë që do vendosë nëse Dritan Gina do hetohet ose jo, nga prokuroria për akuzën e “Shpërdorimit të detyrës”, pasi ndaj tij pak kohë më parë depozitoi kallëzim penal prokurorja Xhaferi, e cila e akuzoi Ginën për heqjen e dosjeve që ajo kishte në hetim dhe zhdukjen e tyre. Të kallëzuar janë edhe dy zv/drejtuesit e prokurorisë së Elbasanit.

d.c./shqiptarja.com

/S.G/Shqiptarja.com
  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Mjalti, biznesi i ëmbël që prodhon produkt të shtrenjtë

Mjalti, biznesi i ëmbël që prodhon produkt të shtrenjtë

22 Dhjetor, 18:05 nga Piro Nase