Zhgënjen aksioni, tatimet në shtator
35 milionë dollarë më pak se plani

TIRANE - Aksioni masiv kundër evazionit, jo vetëm nuk ka arritur të shtojë të ardhurat në buxhet, por as të arrijë të përmbushë parashikimet. Sipas të dhënave zyrtare të Ministrisë së Financave, të ardhurat tatimore janë -3.8 miliardë lekë (afërsisht 35 milionë dollarë) më pak se parashikimi, ndërsa ato jo-tatimore janë rreth -1.5 miliardë lekë nën parashikimin (afërsisht 13 milionë dollarë).

Ministria e Financave ka bërë publike të dhënat paraprake për periudhën janar shtator, duke theksuar se “ecuria e të ardhurave për periudhën është poshtë nivelit të pritshëm”. Peshën kryesore të mosrealizimit të të ardhurave tatimore e mbartin të Ardhurat nga Tatimet dhe Doganat, më shumën prej -4.2 miliardë lekë, minusi i ardhur nga mosrealizimi i planit nga  Drejtoria e Përgjithshme e Doganave prej -3.5 miliardë lekë, ndërsa Drejtoria e Përgjithshme e Tatimeve ka një mosrealizim të planit për periudhën prej –0.6 miliardë lekë.

Të ardhurat nga Pushteti Vendor janë rreth 9.4 miliardë lekë dhe 132 milion lek më shumë se parashikimi i periudhës.

Te ardhurat doganore
Taksa doganore ka performancë 6.1% më shumë se parashikimi dhe -1.2% me pak se një vit më parë. Akciza ka mosrealizim të planit prej rreth -3.3%, por krahasuar me një vit më parë ajo është rritur me rreth 0.8%. Renta minerale ka vazhduar rënien e saj dhe është nën objektivin e periudhës me-3.8% ose -43.4% më pak se viti i kaluar.
Vazhdimi i kësaj rënie shpjegohet me vazhdimësinë e ndikimit të faktorëve të jashtëm të cilët ndikojnë në mbledhjen e të ardhurave doganore  dhe janë jashtë parashikimit.

Të ardhurat nga TVSH
Rënia e të ardhurave nga TVSH në import është ngushtësisht e lidhur me rënien e importeve të cilat për periudhën nëntëmujore, importi i taksuar ka rënë me -1.5%, eksporti ka rënë me -3.5%, ku ndikim kryesor rënia e importeve e të energjisë, rritje e importit të makinerive dhe pajisjeve të përjashtuar nga tvsh me 23.2 % krahasuar me një vit më parë, rritje e importit të barnave dhe arit të përjashtuar nga tvsh, me rreth 19.2% krahasuar me një vit më parë, si dhe rënia e importeve në total me -2.4% krahasuar me një vit më parë.

Në total, rënie e importeve të grup produkteve kryesore  krahasuar me vitin e kaluar kanë sjellë një efekt negative në të ardhurat nga tvsh në masën 2.9 miliard lekë.

Të ardhurat nga Akciza
Të ardhurat nga akciza janë realizuar në masën 96.7% në krahasim me objektin, ose rreth minus 900 milionë lek. Në këtë mosrealizim duhet të evidentohet edhe fakti se administrata doganore ka rimbursuar rreth 756 milion lek krahasuar me vitin e kaluar, kur kjo shumë ka qenë rreth 90 milion lekë.

Redaksia Online
(Gre.M/Shqiptarja.com)