POP 5

Lajmet më të lexuara të 5 minutave të fundit

Kronikë

Ministeriali i Mbrojtjes, Xhaçka konfirmon: Do jemi në Kosovë, Afganistan, Letoni

Sot është mbajtur online takimi i parë i ministerialit të Mbrojtjes të Aleancës së Atlantikut të Veriut, i cili ishte parashikuar të zhvillohej në Tiranë, por për shkak të koronavirusit u anulua.

Ministeriali i Mbrojtjes, Xhaçka konfirmon: Do jemi në Kosovë, Afganistan, Letoni

Olta Xhaçka, ministre e Mbrojtjes

Shqipëria rikonfirmon pjesëmarrjen e saj në të gjtha misionet, ku Forcat e Armatosura janë të angazhuara. Kështu ka theksuar Ministrja e Mbrojtjes e Shqipërisë, Olta Xhaçka, gjatë ministerialit të mbrojtjes të 30 vendeve anëtare të NATO-s, i mbledhur për të dytën herë online për shkak të COVID-19. Ky takim ishte parashikuar që të mbahej në Tiranë, por pandemia e 3 muajve të fundit bëri të pamundur organizimin në vendin tonë, të një prej eventeve më të rëndësishme vjetore të Aleancës.

Ministrja e Mbrojtjes, Olta Xhaçka gjatë fjalës së saj, tha se “Shqipëria konfirmon praninë e saj në Kosovë, Afganistan, Letoni dhe po punojmë për një mision të përbashkët në Irak në kuadër të Kartës së Adriatikut, drejtimin e së cilës e ka vendi ynë. Vlerësim për burrat dhe gratë në uniformë, kontributi i të cilëve janë siguria që misionet e operacionet të vazhdojnë pavarësisht pandemisë”.

Ministrja e Mbrojtjes propozoi fokus të veçantë të NATO-s për mbrojtjen dhe deterrancën  në krahun jugor të Aleancës. Duke vlerësuar rolin vendimtar që NATO ka në mbrojtjen e rendit global, bazuar në vlerat e përbashkëta, ministrja e Mbrojtjes tha se një aleancë e bashkuar dhe solidare është përgjigja më e mirë ndaj çdo rivali gjeopolitik të NATO-s.

Në qendër të diskutimeve të dy ditëve të Ministerialit, janë misionet e operacionet e NATO-s si, si dhe mbrojtja e deterranca në Aleancën më të madhe ushtarake në botë. Të enjtjen, Ministrat e Mbrojtjes së NATO do të diskutojnë  mbi masat që po merren për fazën e dytë të pandemisë në vendet e aleancës.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Shkodër/ Në kërkim për armëmbajtje pa leje, arrestohet 28-vjeçari! Në pranga edhe një 24- vjeçar, theu masën e arrestit të shtëpisë

Shkodër/ Në kërkim për armëmbajtje pa leje, arrestohet 28-vjeçari! Në pranga edhe një 24- vjeçar, theu masën e arrestit të shtëpisë

24 Nëntor, 10:00