Zhvillohet takimi i Dytë
i Forumit Financia

TIRANE- Çështjet e kredive me probleme dhe tregu financiar ishin disa nga tematikat, të cilat u diskutuan në Takimin e Dytë të Forumit Financiar në Shqipëri nga përfaqësues të institucioneve financiare ndërkombëtare, ministrat Shkëlqim Cani e Arben Ahmetaj, dhe bankierë. Ky Forum u organizua nga Guvernatori i Bankës së Shqipërisë, Ardian Fullani, dhe Fondi Monetar Ndërkombëtar (FMN). Të pranishmit diskutuan rreth faktorëve, që ndikojnë në tkurrjen e kreditimit, si edhe masave, që duhen ndërmarrë për të rritur mundësinë e huadhënies për sektorin privat. 

Gjithashtu, reformat e strukturore të nisura së fundmi, në mënyrë që të përmirësohet klima e investimeve, janë mirë pritur nga të pranishmit. Ata ranë dakord se aksesi i huadhënies për sipërmarrjet e vogla dhe të mesme në Shqipëri është një fushë, e cila ka një potencial për të ardhmen. Në përfundim, të gjithë ranë dakord se ky ishte një takim i frytshëm dhe duke deklaruar angazhimin e tyre për të rimëkëmbur ekonominë shqiptare. Nga institucionet financiare ndërkombëtare, në këtë Forum ishin të pranishëm përfaqësues të Bankës Botërore, Bankës Europiane për Rindërtim dhe Zhvillim, si dhe Banka Qëndrore Europiane.

Shkrimi u publikua sot (28.03.2014) në gazetën Shqiptarja.com (print)

Redaksia Online
(d.d/shqiptarja.com)