Zjarr në fshatin Duhanas në Berat, rrezikohet nën/stacioni elektrik! Flakët përfshijnë edhe fshatin Sevaster në Vlorë, rrezikohen banesat

Një zjarr i fuqishëm ka rënë në fshatin Duhanas në Berat. Zjarri është shkaktuar aksidentalisht nga disa prej banorëve të zonës, që ishin duke djegur mbeturinat në tokat e tyre. Era e fortë ka favorizuar flakët, që u përhapën me shpejtësi drejt tokave bujqësore, ndërkohë në rrezik nga flakët është edhe nën/stacioni elektrik i fshatit.

Në vendngjarje kanë shkuar forca të shumta të Repartit të shpëtimit nga zjarri,të cilët po përpiqen të neutralizojnë flakët dhe të shmangin përhapjen e tyre drejt nën/stacionit elektrik.

Në aksionin për shuarjen e zjarrit janë përfshirë 3 mjete zjarrëfikëseje dhe dhjetëra efektivë zjarrëfikësish. Megjithatë flakët vijojnë të përparojë,ndërkohë që ka ende disa vatra aktive në tokat e përfshira nga flakët.

Po ashtu flakët kanë përfshirë sipërfaqe të tëra në fshatin Sevaster në Vlorë, në zonën e quajtur Dushkarak. Nga flakët rrezikohen banesat, ndërsa në vendngjarje ka shkuar një automjet i zjarrfikëses Selenicë.

Rendit zhvillimet sipas orarit:
Ora 16:34
Zjarr në fshatin Sevaster në Vlorë, dyshohet i qëllimshëm, rrezikohen banesat

 

Flakët kanë përfshirë sipërfaqe të tëra në fshatin Sevaster në Vlorë, në zonën e quajtur Dushkarak. Zjarri është përhapur me shpejtësi duke u favorizuar dhe nga era, ndërsa dyshohet i qëllimshëm, teksa mendohet të jetë vendosur nga banorë të zonës.

Nga flakët rrezikohen banesat, ndërsa në vendngjarje ka shkuar një automjet i zjarrfikëses Selenicë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Greqi/ Zëvendëskryeministri Bratakos dhe ministri i Shtetit Papastavrou largohen nga qeveria

Greqi/ Zëvendëskryeministri Bratakos dhe ministri i Shtetit Papastavrou largohen nga qeveria