Pas njoftimit policia dhe dy zjarrfikëse mbërritën me shpejtësi në godinën e Presidencës. Sipas burimeve nga policia shkëndija elektrike dhe rënia e një llambadari nga tavani ka shkaktuar djegien e pjesshme të kolltukut në zyrën e protokollit, por situata është vendosur me shpejtësi nën kontroll duke mos lejuar përhapjen e zjarrit.
Shefi i Parandalimit të zjarreve Arjan Ahmetaj deklaroi për Report Tv se ndërhyrja në kohë parandaloi përhapjen e flakëve në ambientet e tjera në Presidencë.
Nga ngjarja nuk ka të lënduar, por vetëm dëme të vogla materiale. Për zjarrin ka reaguar edhe Presidenca duke sqaruar se “Në orët e mbrëmjes së ditës së premte, një nga zyrat e administratës së Institucionit të Presidentit të Republikës është përfshirë nga zjarri.
Shkak mendohet të ketë qenë një shkëndije elektrike. Ndërhyrja e menjëhershme e efektivëve të Gardës së Republikës e më pas edhe të zjarrfikësve ka bërë të mundur shuarjen e zjarrit, duke lënë pas vetëm dëme të vogla materiale”thuhet në njoftim.
Policia ka nisur hetimet, por ngjarja dyshohet se ka qenë aksidentale.
d.b/shqiptarja.com