Zjarr në Qafëpanjë të Pogradecit, dyshohet se është e qëllimshme! Digjen 3 dynym tokë

Një zjarr ka rënë në zonën e Qafëpanjës në Pogradec. Nga informacionet paraprake mësohet se zjarri është aktivizuar në mënyrë të qëllimshme ditën e sotme, ndërsa flakët janë konstatuar nga grupet e punës në terren. Bëhet fjalë për një sipërfaqe mbi 3 dynym me dushk dhe pemë të ulëta .

Terreni malor është shumë i vështirë, ekipeve të punonjësve i duhen rreth 3 orë e 30 minuta ecje për të vajtur tek vatra e zjarrit. Momentalisht ndodhen zjarrfikësit e Pogradecit dhe punonjës të pyjores pranë Baskisë Pogradec. Nëse flakët nuk do arrihen që të vihen në kontroll ditën e sotme, nesër pritet të shtohet me 20 persona numri i personave që do të shuajnë flakët. Do të punohet dhe natën për fikjen e vatrës. Edhe vitin e shkuar në këtë zonë pati probleme me zjarret, ku pjesë e ekipeve të intervenimit ishin dhe forcat e armatosura.

Lajmi kryesor:

28 vatra zjarri 24 orët e fundit! Digjen 3 dynym tokë në Qafëpanjë të Pogradecit! Përfshihet nga flakët një sipërfaqe toke në Novoselë

G.MO/SI.E./Shqiptarja.com

TAG:
• zjarr