Zjarr në repartin e Kirurgjisë në spitalin e Vlorës, nuk ka të lënduar në njerëz (VIDEO)

Një zjarr ka rënë mesditën e sotme në Repartin e Kirurgjisë në spitalin e Vlorës, fatmirësisht pa të lënduar në njerëz. Si pasojë e flakëve janë shkaktuar vetëm dëme materiale. Në vendngjarje ndodhen forcat zjarrfikëse, të cilat po punojnë për fikjen e zjarrit. Vijon puna nga grupi hetimor, për zbardhjen e rrethanave të ngjarjes dhe përcaktimin e shkakut të rënies së zjarrit.

‘Më datë 19.11.2021, rreth orës 13:20, ka rënë zjarr në Repartin e Kirurgjisë në spitalin e Vlorës. Si pasojë janë shkaktuar vetëm dëme materiale. Në vendngjarje ndodhen forcat zjarrfikëse, të cilat po punojnë për fikjen e zjarrit. Vijon puna nga grupi hetimor, për zbardhjen e rrethanave të ngjarjes dhe përcaktimin e shkakut të rënies së zjarrit.’- njofton policia.

Ndërkohë spitali Rajonal i Vlorës në një reagim në mediat sociale, thotë se nuk ka asnjë problem për pacientët. Sipas tyre ka marrë flakë aspiratori i një tualeti, në dhomën e një pacienti, por nuk ka asnjë pasojë.

‘Spitali Rajonal i Vlores siguron se nuk ka rene zjarr ne asnje repart te spitalit dhe nuk ka asnje problem per pacientet. Episodi ne fjale eshte djegia e nje aspiratori te nje tualeti ne dhomen e pacientit, pa asnje pasoje. Marrja e masave per lajmerimin e personelit te specializuar zjarrefikes eshte pjese e protokollit te institucionit.  Spitali Rajonal Vlore eshte ne funksion te plote ne sherbim te pacienteve.’- thuhet në njoftimin e spitalit.

M.Q./Shqiptarja.com

TAG:
• Vlore
• zjarr
• spitali i vlores