Në jug-perëndim të Sidneit një aeroplan zjarrfikës u rrëzua ndërsa ishte angazhuar në luftën kundër zjarreve që po shkatërrojnë Australinë që nga shtatori.
Tre anëtarët e ekuipazhit vdiqën, tha Komisioneri i Shërbimeve të Zjarrfikësve. "Për fat të keq nuk pati të mbijetuar nga përplasja".
"Avioni goditi tokën dhunshëm, dhe arsyet e aksidentit nuk dihen për momentin," shtoi ai.
Pas rrëzimit të C-130 Hercules kompania kanadeze ka vendosur të pezullojë të gjitha fluturimet e saj drejt shteteve Australiane.
Që nga fillimi i shpërthimit të zjarreve kanë humbur jetën 32 persona, së bashku me të paktën një miliardë kafshë.
Zjarret kanë djegur 2.500 shtëpi dhe një zonë sa një e treta e Gjermanisë.
Komento
