Zjarret në Greqi, Tsipras: Katastrofë kombëtare, qeveria merr të gjitha përgjegjësitë

Kur kanë kaluar pesë ditë nga zjarri vdekjeprurës që i mori jetën 87 personave në Athinë, kryeministri grek Alexis Tsipras mori përgjegjësinë politike për katastrofën kombëtare. Kreu i qeverisë helene u bëri thirrje edhe ministrave që tani për tani të fokusohen në zhdukjen e çdo problemi dhe kthimin e normalitetit në vend, por sapo çdo gjë të ketë përfunduar duhet të merren përgjegjësitë.

“Unë dua të marr përgjegjësinë politike përpara kabinetit e popullit për këtë ngjare të rëndë. E gjithë qeveria duhet të marrë përgjegjësinë e plotë për tragjedinë. Nuk u shmangëm as kur morëm vendin e falimentuar pas zgjedhjeve, në momente të vështira. Ne po qeverisim një vend që për vite me radhë ka pasur shtrembërime. Të gjitha komplekset e banimit janë ndërtuar pa asnjë dispozitë për sigurinë e banorëve. Por ky shtet tani qeveriset nga ne”, tha Tsipras.

Rreth 87 persona humbën jetën nga flakët e mëdha në Athinë, ndërkohë që qindra të tjerë janë plagosur apo zhdukur. Autoritetet greke po punojnë për gjetjen e trupave të shuar nga zjarri.

LEXO EDHE:
Ndihmoi në shuarjen e zjarreve, ekipi shqiptar përfundon misionin në Greqi! Rama: Krenar që ndihmuam popullin mik në këtë moment të vështirë

TAG:
• Aleksis Tsipras
• ZJARRET NE GREQI

Sondazhi i ditës:

Ilir Meta sulmon kreun e SPAK, si e vlerësoni?

• Të drejtë

  11.5%

• Të gabuar

  83.8%

• Nuk e di

  4.7%

Vota total: 5250

• Sondazhi i ditës:

  Ilir Meta sulmon kreun e SPAK, si e vlerësoni?

  Të drejtë Të gabuar Nuk e di