Zjarret në Hawaii/ Laheina e kthyer në ‘shesh lufte’, zjarri i fuqishëm shkrumboi qytetin, banorët: Duket si një zonë e bombarduar

Qyteti historik i Laheinas është shkrumbuar totalisht, pas zjarrit masiv që ‘pushtoi’ zonën dhe la pas vetëm rrënojat e ndërtesave.Ndërsa numri i viktimave, si pasojë e ‘flakëve të ferrit’ që kthyen në hi ishullin në Hawaii, ka shkuar në 36.

Lagje të tëra janë djegur dhe ana perëndimore e ishullit, ku ka mbetur vetëm një autostradë e hapur dhe mijëra njerëz që presin të evakuohen, ndërsa zyrtarët thonë se situata në  Laheina, portin e saj dhe zonat përreth i afrohet skenave të një gjendjeje pos lufte.

Disa njerëz u hodhën në oqean për t'i shpëtuar tymit dhe flakëve, ndërsa shumë të tjerë përjetuan tmerrin teksa shikonin të afërmit e tyre të digjeshin.

“Kjo është fatkeqësia më e keqe që kam parë ndonjëherë. E gjithë Laheina është djegur. Është si Apokalipsi ," u shpreh një banor i Laheinas.

Ndërsa piloti i një helikopteri, që ndërhyri nga ajri për të shuar zjarrin që ra në zonë, la pas pamjet që po bëjnë xhiron e rrjetit, të cilat ngjasojnë me skenën e një filmi lufte.

“Duket sikur qyteti të jetë bombarduar. Është kthyer në një zonë lufte ”, tha piloti i helikopterit Richard Olsten .

Më shumë se 11 mijë turistë u larguan nga Maui, mbrëmë.

Lajmi kryesor:

VIDEO+ FOTO/ Zjarr masiv në ishullin e Hawaii-t, digjet qyteti historik, 36 të vdekur! Biden shpall gjendjen e jashtëzakonshme

M.T/E.H/Shqiptarja.com

TAG:
• SHBA
• zjarr
• Hawaii