X

POP 5

Lajmet më të lexuara të 5 minutave të fundit

Kronikë

Zjarret në vend, Braçe: Nuk janë prej ndryshimit të klimës, por të qëllimshme! Krime ordinere e politike

Zëvëndëskryeministri Erion Braçe ka reaguar për situatën me flakët që kanë përfshirë vendin tonë. Braçe shprehet se këto zjarre nuk kanë rënë si pasojë e ndryshimeve klimatike, por ato janë të shkaktuara nga vetë dora e njeriut.

Zjarret në vend, Braçe: Nuk janë prej ndryshimit të klimës, por të qëllimshme! Krime ordinere e politike

Foto nga zjarret në vend

Zëvëndëskryeministri Erion Braçe ka reaguar për situatën me flakët që kanë përfshirë vendin tonë. Braçe shprehet se këto zjarre nuk kanë rënë si pasojë e ndryshimeve klimatike, por ato janë të shkaktuara nga vetë dora e njeriut. Për Braçen shkaktimi i zjarreve të këtyre masave përbën krim dhe duhet hetuar me ligj në mënyrë që i vendosin ata qëllimisht.

Ndërkohë nuk ka lënë pa përmendur edhe sulmet e opozitës që ka bërë në drejtim të qeverisë që sipas saj është e paaftë për tu përballur me situata emergjente. Sipas zv.kryeministrit këto sulme konsiderohen si krime politike.

“Zjarret në Shqipëri nuk janë prej ndryshimit të klimës! Temperatura e re pooo! Zjarret jo! Zjarret janë të gjitha të qëllimshme! Hem si krime ordinere dhe hem si krime politike!

Të qëllimshme si krime ordinere nisur nga nevoja banale për kullota, troje ndërtimi apo shkundje deri në fund të inatit me pronën publike dhe pronën e komshiut. Të qëllimshme si krime politike me zjarr, materializim i politikës së imponimit të destabilizimit me zjarr e tokën e djegur, njohur, jetuar, provuar/faktuar publikisht në këtë vend e që në dimër rrëzon shtyllat e transmetimit të energjisë e në vere i vë zjarrin çdo fije bari e çdo gjethe peme kudo, në pyje e parqe.

Të dy qëllimet duhen “përvëluar” ligjërisht me hetim, gjykim, ndëshkim! Nëse nuk ndodh, zjarrvënia do bëhet kulturë. Kulturë mizerabël që do fshihet pas klimës e do legjitimohet pas mungesës se një helikopteri! Kjo duhet ndalur me çdo çmim. Deklaratat e cilitdo, veçanërisht të Policisë për “dyshim në zjarre të qëllimshme” pa gjetur autorët, janë ujë qe nuk e shuan zjarrvënien! Çdo gjë është çështje vullneti. Duhet vullnet për t’i ndëshkuar këto krime tani!

Po e përsëris! Në ketë vend zjarret nuk janë prej klimës e ndryshimeve të saj, por do ndikojnë edhe më keq në klimën e këtij vendi e jetën e njerëzve”, shkruan Braçe.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Ka luajtur në 4 Kupa të Botës, Fernando Muslera tërhiqet nga futbolli ndërkombëtar

Ka luajtur në 4 Kupa të Botës, Fernando Muslera tërhiqet nga futbolli ndërkombëtar

26 Prill, 16:20