Reth 15 hektarë pyje dhe shkurre janë djegur deri më tani pranë “Majës se Zezë” në afërsi të Rrjollit në Velipojë, ndërsa akoma nuk ka ndërhyrje nga ana e zjarrfikësve, kjo e ndikuar edhe nga terreni i thyer malor në zonë.

Ndryshe nga zonat e tjera të përfshira nga zjarret, në Rrjoll ka munguar edhe ndërhyrja nga ajri, ndërsa situata është lënë në mëshirë të fatit. 

Mbrëmjen e së shtunës, vatrat e zjarrit i janë afruar shumë bregdetit, por fatmirësisht si pasojë e erërave, flakët janë drejtuar në lartësi të malit.

Nga ana tjetër pushuesit kanë filluar të largohen si pasojë e reve të tymit të krijuara në bregdet gjatë këtyre tre ditëve pranë zonës se Rrjollit.

Situata mbetet problematike nga mungesa e ndërhyrjes, ndërsa burime të pakonfirmuara bëjnë me dije së vartat e zjarrit në male janë shtrirë deri në afërsi të Torovicës.

Tashme flakët janë drejtuar pranë Malit të Kolajve në Velipojë, një zonë e cila është e pabanuar por përdoret nga banoret e zonës për kullota.

Edhe në këtë pjesë terreni i thyer malor e bën  të pamundur ndërhyrjen e forcave të zjarrfikëses apo edhe të ushtrisë. 

zjarr torovice
torovice
 (Pamje nga Torovica)

Redaksia Online
Al.N/Shqiptarja.com