Zjarrfikësi i Kullave Binjake, i
124-ti që vdes nga ajri toksik

Një zjarrfikës i guximshëm i cili shpëtoi jetë njerëzish tek dy Kullat e 11 Shtatorit në Ground Zero është bërë oficeri 124 i vdekur për shkak të ajrit toksik.
 
Brian J Masterson, 61 vjeç, baba i 3 fëmijëve humbi jetën një javë më parë pasi humbi betejën me kancerin në ezofag.

Masterson me origjinë nga Irlanda, ishte duke punuar me zjarrfikës të qytetit të New York-ut ditën e sulmit terrorist.

Ai mbërriti i pari në skenë pak pasi dy avione u përplasën tek Kullat Binjake në Manhattan në vitin 2001.

Por punoi dhe u ekspozua edhe për disa muaj në pluhurin dhe ajrin toksik që u shkaktuan pas rrënimit të kullave
 
Funerali i Masterson u bë dje, në banesën e tij në Mr Walden, New York.

[gallery]20805[/gallery] 
Ai ishte një prej shumë zjarrfikësve që u diagnostikuan me kancer pasi punuan në atë zonë.

Ditën që ai ndërroi jetë, vdiq dhe shoku i tij, Kevin Rooney, 38 vjec, i cili gjithashtu punoi tek 9/11.

Christopher Ferry, nip i Brian tha se xhaxhai i tij u diagnostikua me kancer para dy vitesh.

“Është rritur numri i zjarrfikësve dhe të tjerëve punëtorë të prekur nga kanceri. Të gjithë këta persona punuan në atë zonë për një kohë të gjatë dhe çdo ditë”, thotë Ferry ndërsa thekson faktin se xhaxhai i tij vuajti shumë gjatë luftës me kancerin dhe se sot shpirti i tij është në paqe.

Një zëdhënës i zjarrfikësve tha se “këtë javë humbëm dy zjarrfikës të Neë York. Njëri më 22 Janar, kurse tjetri më 23 Janar. Të dy vdiqën nga kanceri që iu shkaktua nga ajri toksik pas djegies së Kullave Binjake”.

'Pas 15 vitesh nga ngjarja tragjike rreth 124 zjarrfikës dhe punonjës të tjerë të zjarrit humbën jetën nga sëmundjet që përftuan nga 11 Shtatori i vitit 2011”.