POP 5

Lajmet më të lexuara të 5 minutave të fundit

Kronikë

Djegia e ‘Metropol’ në Lushnjë, 600 tregtarë mbeten në rrugë: Policia nuk na lë të marrim mallin, po na zvarrisin prej 4 ditësh

Rreth 600 tregtarë në Lushnje presin me ankth një përgjigje nga institucionet prej së hënës kur qendra tregtare e rezidenciale “Metropol” u shkatërrua nga zjarri. Ata nuk lejohen të hyjnë në objekt dhe ende nuk dinë vlerën e dëmit në bizneset e tyre. Prokuroria tha se po kryen hetime për veprën penale “Shkatërrimi i pronës me zjarr”, por pa dhënë detaje mbi shkakun e zjarrit apo përgjegjësit.

600 tregtare që kanë dyqanet në qendrën tregtare “Metropol” prej 4 ditësh qëndrojnë përpara godinës së djegur.

Policia nuk i lejon të futen brenda, ndërsa ata mbeten në ankthin e një përgjigjeje për dëmet, pasi shumica e kanë mallin të pasiguruar.

Ne katin e nëndheshëm të “Metropol”, në pronësi të Bledar Çela dhe Ilir Dabulla, ishte vendosur tregu industrial i Lushnjes, ku ushtronin aktivitetin 300 tregtarë, ndërsa në 4 katet e sipërme ishin dyqanet, bar-kafe dhe supermarketi.

‘Duam të drejtën tone, policia nuk na lë të marrim mallin!’-  tha një tregtar.

‘Ata nuk na kthejnë asnjë përgjigje!’- tha një tjetër.

‘Duam që sot ta heqim mallin kemi gjithë djersën tonë aty’- u shpreh një tregtar tjetër.

Deri në përgjigjen e ekspertëve për shkaqet e zjarrit, qëndrueshmërinë e godinës dhe vlerën e dëmit, tregtarët mbeten në rrugë. Po kështu dhe 20 familje sot janë pastrehë dhe ende nuk dinë nëse shtëpitë e tyre janë të banueshme.

Për zjarrin masiv që përfshiu të hënën qendrën tregtare e rezidenciale me 12 kate banim dhe 5 kate njësi tregtare, Prokuroria e Fierit ka regjistruar procedimin për veprën penale “Shkatërrimi i pronës me zjarr”.  Po kryhen hetime, thotë prokuroria për të zbardhur shkakun e zjarrit dhe vatrën fillestare.  Nga ana tjetër, pritet dhe vlerësimi i Institutit të Ndërtimit për qëndrueshmërinë e godinës.

M.Q./S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Arbëri: 29/12/2023 14:08

    Metropol është djeguar më dashur nga vet dora e pushtetit !

    Përgjigju
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03