POP 5

Lajmet më të lexuara të 5 minutave të fundit

Kronikë

Zjarri në spitalin e Shkodrës, Koçiu dhe Benet Beci inspektim! Shkak i zjarrit dyshohet një karikues celulari

Ministrja e Shëndetësisë Albana Koçiu, së bashku me kryetarin e bashkisë Shkodër Benet Beci, kanë inspektuar sot repartin e kirurgjisë pranë spitalit të Shkodrës, i cili një natë më parë u përfshi nga flakët.

Ministrja e Shëndetësisë Albana Koçiu, së bashku me kryetarin e bashkisë Shkodër Benet Beci, kanë inspektuar sot repartin e kirurgjisë pranë spitalit të Shkodrës, i cili një natë më parë u përfshi nga flakët.

Drejtori i Spitalit Senad Halluni, deklaroi se situatë është totalisht nën kontroll dhe pritet që brenda dy ditësh i gjithë reparti të jetë në kushte optimale.

“Në Spitalin Rajonal të Shkodrës bashkë me Kryetarin e Bashkisë Benet Beci pamë nga afër ambientin ku mbrëmë u përfshi nga zjarri një nga dhomat e mjekëve në pavionin e kirurgjisë, i cili u vu nën kontroll në një kohë rekord dhe shkaqet po hetohen. Tashmë çdo gjë është kthyer në normalitet dhe pacientët e qytetarët marrin të gjitha shërbimet e nevojshme”, shkruan Koçiu.

Një natë më parë reparti i kirurgjisë u përfshi nga flakët, ndërkohë që ekspertiza ende nuk ka dalë në një raport përfundimtar, por dyshohet se zjarri ka ardhur nga një karikues celulari duke bërë që zjarri të përhapet në të gjithë dhomën e mjekut roje i cili në momentin e zjarrit ka qenë në operacion.

Drejtoria e Spitalit të Shkodrës ka marrë masat për evakuimin e shpejtë të pacientëve dhe falë ndërhyrjes së shpejtë të zjarrfikësve është bërë i mundur edhe izolimi i zjarrit.

Një natë më parë kryetari i bashkisë Shkodër falënderoi të gjithë trupën e zjarrfikësve për ndërhyrjen e shpejtë dhe efikas për izolimin e zjarrit.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56