Zvarritja e gjyqeve/ KLGJ penalizon qytetarët që vonojnë proceset, përgjysmohet tarifa e divorcit

Pas avokatëve edhe qytetarët të cilët janë palë në procese gjyqësore dhe bëhen shkak për shtyrjet e tyre në mënyrë të paarsyetuar do të gjobiten. Këshilli i Lartë Gjyqësorë ka miratuar tarifat e reja të cilat do të aplikohen përgjatë vitit 2021, duke përcaktuar penalitetet për zvarritje të gjykimit.

Për vonesa të shkaktuara në gjykimet në shkallët e para penaliteti është 5000 lekë, duke u dyfishuar për vonesa në apel deri në 10.000 lekë. 15.000 lekë është penaliteti për vonesat e shkaktuara në gjykatën e lartë duke zvarritur seancat.

Për divorcet dhe kërkesë paditë sipas kodit të familjes Këshilli i Lartë Gjyqësor ka miratuar përgjysmimin e tarifës e cila ishte 3000 lekë dhe bëhet 1500 lekë. Për qytetarët që kërkojnë një kopje vendimi tarifa e parashikuar është 600 lekë, kjo pagesë duhet bërë para marrjes së vendimit.

(Kliko ketu per te lexuar tarifat gjyqësore)

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet