POP 5

Lajmet më të lexuara të 5 minutave të fundit

Arkiva

Zvicër, mbyllen pa marrëveshje
negociatat për ribashkimin e Qipros

Bisedimet e fundit të zhvilluara  në Zvicër nën ndikimin e OKB, u cilësuan si shansi më i mirë për gjetjen e një zgjidhjeje, por u mbyllën sërish pa marrëveshje.
ZVICËR- Negociatat për zgjidhjen e konfliktit në ishullin e Qipros që u zhvilluan nga data 28 qershor deri më 7 korrik dështuan të premten, pavarësisht gjithë përpjekjeve të bëra nga Sekretari i Përgjithshëm i OKB, Antonio Guterres.

Debatet mes palës greke dhe asaj turke hasën pengesa në lidhje me tërheqjen e trupave turke të vendosura në pjesën veriore të ishullit dhe në ruajtjen e të drejtës së ndërhyrjes nga ana e Turqisë.

Ndërkohë ishulli i Qipros në Detin Mesdhe, me një popullsi prej një milion banorësh, është ndarë që nga pushtimi i një pjese të territorit të tij nga ushtria turke në vitin 1974.

Pushtimi i ishullit erdhi si përgjigje e një grushti shteti, qëllimi i të cilit ishte të bashkonte Qipron me Greqinë, gjë që shqetësoi komunitetin qipriot-turk.

Republika e Qipros e cila ështe anëtare e Bashkimit Europian që nga viti 2004, ushtron autoritetin e saj vetëm në pjesën jugore ku jetojnë qipriotët-grekë.

Gjatë dekadave të fundit janë zhvilluar negociata të shumta në përpjekje për të përafruar pikëpamjet e dy komuniteteve, por pa rezultat.

Bisedimet e fundit të zhvilluara  në Zvicër nën ndikimin e OKB, u cilësuan si shansi më i mirë për gjetjen e një zgjidhjeje, por u mbyllën sërish pa marrëveshje.
 
Redaksia Online
Er.K/Shqiptarja.com

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55