POP 5

Lajmet më të lexuara të 5 minutave të fundit

Arkiva

Zvicër, OBSH-ja: Të paktën 4000 të vdekur për shkak të Ebolas

 Numri i të vdekurve për shkak të epidemisë Ebola kaloi 4 000 persona, sipas bilancit të fundit të OBSH-së (Organizata Botërore e Shëndetësisë), i publikuar sot në Gjenevë. 
Numri i të vdekurve për shkak të epidemisë Ebola kaloi 4 000 persona, sipas bilancit të fundit të OBSH-së (Organizata Botërore e Shëndetësisë), i publikuar sot në Gjenevë.
Sipas këtij bilanci, që përfundon në 8 tetor, kishte gjithsej 8 399 raste të regjistruar në shtatë vende, duke shkaktuar 4 033 të vdekur.

Bilanci i më parshëm, që mbyllej më 5 tetor, fliste për 8 033 raste, dhe 3 865 të vdekur.

Shtatë vendet e prekura janë ndarë në dy grupe nga OBSH-ja, i pari përbëhet nga Guinea, Liberia dhe Sierra Leone, ose tre vendet më të prekura, ndërsa i dyti nga Nigeria, Senegali, Spanja dhe SHBA-ja.

Në grupin e parë, Liberia, vendi më i prekur nga epidemia, numëron 4 076 raste, ku 2 316 të vdekur.

Në Sierra Leone, OBSH-ja ka regjistruar 2 950 raste dhe 930 të vdekur.

Përfundimisht në Guine, nga ku u shpërhap epidemia në dhjetor 2013, janë regjistruar 1 350 raste dhe 778 të vdekur.

Personeli që përkujdeset për të sëmurët vazhdon të paguajë një çmim të lartë në këtë vend me 416 raste ku 233 të vdekur.

Në grupin e dytë, në Nigeri, numri i rasteve dhe vdekjeve ka mbetur i pandryshuar me 20 raste dhe 8 të vdekur.

Sipas raportit të fundit të OBSH-së flitet për një të vdekur në SHBA, një të sëmurë në Spanjë dhe një në Senegal.

Në republikën Demokratike të Kongos, ku është përhapur një version ndryshe i epidemisë Ebola nga ai që ka goditur Afrikën Perëndimore, OBSH-ja numëron 71 raste dhe 43 vdekje, sipas një bilanci të datës 7 tetor./ATSH/

Redaksia Online
(a.h/shqiptarja.com)

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Afron afati për ndalimin e rrjetit TikTok në SHBA

9 Janar, 18:40