Zyrtare/ Bruno Telushi dhe Ardit Hoxhaj firmosin në Kategorinë e Parë

Zyrtare/ Bruno Telushi dhe Ardit Hoxhaj firmosin në Kategorinë e Parë

Bruno Telushi dhe Ardit Hoxhaj

Akademia e Futbollit Elbasani do jetë pjesë e Kategorisë së Parë sezonin e ri. Me trajnerin Nevil Dede në pankinë, klubi kërkon që pas më shumë se 9 vitesh të rikthehet në elitën e futbollit shqiptar. Në Elbasan kanë krijuar një grup të mirë, me futbollistë që kanë përvojë të gjatë në Superligë.

Dy emrat e fundit të afruar në ekip janë Bruno Telushi dhe Ardit Hoxhaj. Tanimë vetë verdheblutë kanë zyrtarizuar gjithçka në kanalet e komunikimit. "Një kampion, për "ushtrinë" tonë...", shkruan AF Elbasani në prezantimin e Telushit.

Vlonjati u largua nga Partizani disa javë më parë, duke lënë klubin kampion edhe pse me shiritin e kapitenit në krah, kjo pas një zënke me trajnerin e ri Zekic. Nga ana tjetër sulmuesi Hoxhaj u largua nga Vllaznia dhe duket se e ka bindur oferta ekonomike në Elbasan.

Të dy vlonjatët tanimë do jenë pjesë e rivalëve të Flamurtarit, duke mos dashur të vijojnë karrierën në vendlindje. Si AF Elbasani dhe Flamurtari luajnë në Kategorinë e Parë.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A besoni se SPAK do të bëjë drejtësi për 21 janarin?



×

Lajmi i fundit

Dashuria po ecën mirë, por...çfarë thonë yjet për ju sot

Dashuria po ecën mirë, por...çfarë thonë yjet për ju sot