Cristiano Ronaldo zyrtarizohet të Manchester United, rikthehet në shtëpi pas 12 vitesh

Tashmë është zyrtare! Cristiano Ronaldo është një "Djall i Kuq". Sot, portugezi është rikthyer në shtëpi te Manchester United, aty ku dhe nisi karrierën e tij në një klub profesionist të nivelit të lartë. "CR 7" është rikthyer shkruhet në foton e publikuar teksa shfaqet Ronaldo me fanellën e kuqe, tani priten vetëm detajet e fundit të kontratës.

Ky është një transferim tjetër i bujshëm i kësaj vere pas atij të Messit që la Barcelonën dhe iu bashkua Psg, por që nuk do të jetë i fundit për këtë sesion merkatoje që mbyllet në datën 31 gusht. Kiljan Mbappe është shumë pranë Realit të Madrid pas ofertës së dytë prej 180 milionë euro, e para 160 milionë euro u refuzua nga sheiku i PSG i cili nuk do ta shesë Mbappe, por francezi kërkon me çdo kusht transferimin në Madrid. 

Ronaldo në tre vite e rriti ndjeshëm vizibilitetin e Juventusit në të gjithë globin, por ardhja e tij në Itali nuk e afroi  "Zonjën e Vjetër" me Champions Ligën që e ndjek prej 25 vitesh. Pandemia dha goditjen finale të kësaj marrëdhënie pasi përkeqësoi të ardhurat e Juves dhe bëri që bashkëpunimi me Ronaldon të bëhej i papërballueshëm. Me largimin e Ronaldos, Seria A humb një tjetër kampon, pas Lukakut në Angli dhe Hakimit në Francë.

Postimi i Manchester United

 

B.K./KT/Shqiptarja.com

TAG:
• cristiano ronaldo
• juventus
• Manchester United