Ish-sulmuesi i kombëtares shqiptare të futbollit, Edgar Çani ka firmosur me Aprilia në Serie D në Itali. Të ndodhur në grupin G, Aprilia ka gjetur akordin me 33 vjeçarin duke e kthyer në futbollin aktiv pas disa muajve pushim. Lajmin e ka zyrtarizuar vetë klubi italian, që shpreson gola nga shqiptari. Me kontratë një vjeçare, Çani do duhet të bindë me ekipin e ri.
"Aprilia ka kënaqësinë të njoftojë se ka arritur marrëveshje me sulmuesin e lindur në vitin 1989, Edgar Çani. Në moshën 33 vjeçare, Çani luajti në pjesën e fundit të sezonit në Sardenga me Torres përveç që ka luajtur në Serinë C me Vibonese dhe Pescara, në Serinë B me fanellat e Piza, Catania, Bari, Carpi, Modena, Piacenza, Padova, Ascoli përveç disa paraqitjeve në Serie A me Palermon dhe Catanian. Gjithashtu ka fituar eksperiencë jashtë vendit me Leeds, Legian e Varshavës dhe Partizani Tirana (2017-18)", njofton Aprilia. Me kombëtaren kuqezi, Çani ka zhvilluar 16 paraqitje dhe ka shënuar katër gola.
