Zyrtare/ Ecuria katastrofale në Euro 2024, Kosova shkarkon trajnerin Gliha

Zyrtare/ Ecuria katastrofale në Euro 2024, Kosova shkarkon trajnerin Gliha

Primozh Gliha

Pas vetëm gjashtë ndeshjeve në krye të stolit të përfaqësueses së Kosovës në futboll, Primozh Gliha nuk është më trajneri i Dardanëve. Paraqitja katastrofale, vendi i parafundit në grupin I kualifikues të Euro 2024 dhe klima e tensionuar me lojtarët kanë bërë që zyrtarët e FFK-së mos ia rinovojnë kontratën 56-vjeçarit nga Sllovenia.

Ai u ul në stolin e Kosovës më 5 nëntorin e 2021 deri në shkurtin e 2022 si trajner kujdestar, duke drejtuar dy sfida. Ndërkohë në postin zyrtar të trajnerit ai mori vendin e francezit Alain Giresse më 4 korrikun e këtij viti, për t'u larguar sot pas gjashtë takimeve që sollën vetëm vendin e parafundit me 11 pikë në grupin e Euro 2024.

"Federata e Futbollit e Kosovës njofton opinionin se me përfundimin e ciklit kualifikues për Kampionatin Evropian 2024, ka përfunduar edhe marrëveshja me trajnerin e deritanishëm Primozh Gliha.

FFK-ja e falënderon përzgjedhësin Gliha për punën e tij në krye të ekipit kombëtar në gjashtë ndeshjet kualifikuese të zhvillura pas shkarkimit të ish-përzgjedhësit, Alain Giresse.

Federata e Futbollit e Kosovës tashmë ka filluar analizimin e thellë të situatës aktuale në ekipin kombëtar A dhe pas kësaj analize do të merren masat e duhura dhe veprimet e ardhshme, përfshirë edhe angazhimin e përzgjedhësit të ri që do t’i prijë ekipit kombëtar", njofton FFK-ja.

Renditja e grupit I kualifikues në Euro 2024:

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Fëmijët vrasin babain në Durrës, a është në krizë familja shqiptare?



×

Lajmi i fundit

Dy vite nga agresioni rus në Ukrainë, ministri i Jashtëm: Krenar për rolin e Shqipërisë! Begaj: Jemi dëshmitarë të qëndresës heroike të popullit ukrainas për liri

Dy vite nga agresioni rus në Ukrainë, ministri i Jashtëm: Krenar për rolin e Shqipërisë! Begaj: Jemi dëshmitarë të qëndresës heroike të popullit ukrainas për liri