POP 5

Lajmet më të lexuara të 5 minutave të fundit

Sport

Zyrtare/ Emmanuel Egbo është trajneri i ri i Prishtinës

Emmanuel Egbo është trajneri i ri i Prishtinës në Superligën e futbollit në Kosovë. 50-vjeçari nga Nigeria ka firmosur me klubin më të titulluar në Kosovë.

Zyrtare/ Emmanuel Egbo është trajneri i ri i Prishtinës

Emmanuel Egbo

Emmanuel Egbo është trajneri i ri i Prishtinës në Superligën e futbollit në Kosovë. 50-vjeçari nga Nigeria ka firmosur me klubin më të titulluar në Kosovë, duke marrë përsipër që të ngrejë këtë ekip në vendet e sipërme të tabelës.

Prishtina largoi Debatik Currin pas rezultateve jo të mira dhe në vend të tij emëron një trajner kampion. Egbo mbahet mend për titullin kampion të fituar me Tiranën në sezonin 2019-20, teksa i drejtoi bardheblutë në 33 takime.

Veç Tiranës, Egbo ka qenë trajner edhe i Bylis apo edhe i Ohod Club në Arabinë Saudite. Si portier ai mbahet mend për aktivizimin te Tirana dhe Bylis. Në fjalët e para pas emërimit në stol, Egbo ka bërë me dije se e njeh historinë e skuadrës.

"E njoh Prishtinën, është klubi më i madh në Kosovë, nuk diskutohet me trofetë që ka fituar dhe me shumë ngjarjet që ka bërë me futbollin e Kosovës. Nuk ishte shumë e vështirë të pranoja ofertën. Pas shpjegimit të planeve dhe objektivave që ka klubi dhe duke qenë tip që i dua sfidat, duke qenë se kam punuar edhe te Tirana, si kulmi i futbollit në Shqipëri, e di që çfarë presioni kanë klubet si Prishtina dhe nuk e pata të vështirë të pranoja punën. Do të jetë ide e mirë të bashkëpunoj me klubin", tha Egbo mes të tjerash.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Nxitimi mund t'ju çojë në gabime... çfarë kanë rezervuar yjet për sot

Nxitimi mund t'ju çojë në gabime... çfarë kanë rezervuar yjet për sot

30 Janar, 07:14