VLORË - Humbja 1-2 nga Pogradeci për raundin e 29-të në Kategorinë e Parë nuk është kapërdirë nga drejtuesit e Flamurtarit, me administratorin Sinan Idrizi që ka shkarkuar trajnerin Italian Andrea Agostinelli, paçka se ekipi është në vendin e dytë, brenda objektivave dhe me gjasë do e sigurojë një vend në elitë pas tre sezonesh.

Vendimi erdhi menjëherë pas sfidës që u luajt të mërkurën e 26 marsit, ndërsa në njoftim thuhet se palët kanë shkëputur bashkëpunimin me marrëveshje.

“Andrea Agostinelli nuk do të jetë më trajner i Flamurtarit. Klubi dhe trajneri kane shkëputur bashkëpunimin me marrëveshjen. Falenderojmë trajnerin Andrea Agostinelli dhe stafin për punën e përkushtuar deri tani”, thuhet në njoftimin e klubit.

Flamurtari mban vendin e dytë në Kategorinë e Parë dhe është pranë rikthimit në Superligë. Për pjesën e mbetur të sezonit vlonjatët do të drejtohen nga Artim Pollozhani.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ed macoku: 27/03/2025 11:53

    un vet s,isha dakort ta hiqnim po kur degjon piranecat qe se kan iden e futbollit s,ke ca ben

    Përgjigju
  • Sondazhi i ditës: 15 Shkurt, 14:59

    Rama firmos ndryshimin ligjor që ndalon GJKKO të pezullojë ministrat, jeni dakord?

Lajme të tjera