Bradley Cooper dhe Irina Shayk filluan lidhjen e tyre në vitin 2015 dhe në nëntorin e vitit 2016 treguan për mediat se do të bëheshin me fëmijë. Ishte mars i vitit 2017 kur erdhi në jetë vogëlushja e tyre Lea de Seine.
Kohët e fundit çifti u përndoq nga thashetheme për një ndarje të mundshme mes tyre. Zërat u shtuan pas afeksionit që u pa mes Cooper dhe Lady Gagas në mbrëmjen e ndarjes së çmimeve Oscar.
Tashmë sipas revistës People është zyrtare ndarja e çiftit. Aktori 44 vjeçar, protagonisti i filmit ‘A star is Born’ sëbashku me super modelen ruse duhet të realizojnë një marrëveshje përsa i përket kujdestarisë së vajzës së tyre 2 vjeçare.
Ata kanë mbajtur gjithmonë larg vëmendjes së medias lidhjen e tyre. Pas suksesit të vitit të shkuar, nga muaji prill aktori Cooper kishte vendosur t’i dedikohej tërësisht familjes. Ndërkohë që ende nuk janë bërë publike motivet e ndarjes së Cooper dhe Shayk. Ata ishin një nga çiftet më të dashur të Hollywood.
Komente
