SUHAREKË - Orges Shehi është trajneri i ri i FC Ballkanit në Superligën e Kosovës. 47-vjeçari nga Durrësi zëvendëson në stol Artim Pollozhanin, i dorëhequr pas eliminimit nga Kupa e Kosovës.

Shehi e ka përvojën e parë jashtë Shqipërisë, duke firmosur në një klub që vitet e fundit ka shkruar historinë në Kosovë edhe në garat evropiane. Duket se drejtuesit nga Suhareka i kanë besuar një emri të sprovuar si Shehi, me këtë të fundit që shpreson të ndjekë gjurmët e Ilir Dajës, trajnerit që fitoi pesë tituj me Ballkanin nga 2022-24, mes të cilëve tre herë titullin kampion radhazi.

Për t'u theksuar se pas 5 gushtit Orges Shehi ishte trajner i lirë pas largimit nga Partizani. Veç "Demave të Kuq" ai ka drejtuar nga stoli edhe Skënderbeun, Kukësin dhe Tiranën, ku me bardheblutë u shpall kampion i kampionatit dhe Superkupës.

"Me kënaqësi ju njoftojmë emërimin e trajnerit të ri të skuadrës, Orges Shehi.

Shehi, një emër i njohur në futbollin shqiptar, sjell me vete përvojë të jashtëzakonshme dhe një vizion të qartë për të çuar përpara sukseset e klubit tonë.

FC Ballkani, kampion i Kosovës për tre vite radhazi, mbetet i përkushtuar për të vazhduar traditën e arritjeve dhe për të ngritur standardet e futbollit në vend. Besojmë se me lidershipin dhe aftësitë e Orges Shehit, skuadra jonë do të vazhdojë të shkruajë histori në fushën e lojës". njofton FC Ballkani.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 4 Prill, 10:21

    Nafta arrin në 224 lekë/litri, a është e mjaftueshme vetëm ulja e akcizës?

Lajme të tjera