Endri Zenelaj është futbollisti më i ri i Empolit. Shqiptari polivalent luan në mesin e fushës dhe në mbrojtje, teksa do jetë pjesë te të rinjtë e Empolit në Serie A.
19-vjeçari ka gjashtë muaj kohë për të bindur drejtuesit, me Empolin që do vendosë nëse do aktivizojë të drejtën e blerjes përfundimtare nga Fidelis Andria. I lindur në 2003, Zenelaj është pjesë e Shqipërisë U-19 dhe ka luajtur në pesë takime me kuqezinjtë.
I dalë nga moshat e Ascolit, Zenelaj ka luajtur edhe me të rinjtë e Genoas dhe Sassuolos, teksa tani kalon në një klub që i jep përparësi të rinjve. Nedim Bajrami apo Kristjan Asllani janë shembujt konkret të suksesit, dalë nga Empoli.
![](https://shqiptarja.com/template/img/NO_ALFA_Kuadrate shqiptarja.png)
Pikërisht Nedim Bajrami është futbollisti që pritet të largohet nga Empoli, me Zenelaj që ka mundësinë të tregojë aftësitë e tij për të fituar një kontratë profesionisti.
Endri Zenelaj
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)