POP 5

Lajmet më të lexuara të 5 minutave të fundit

Sport

Zyrtare/ Redi Kasa largohet nga Egnatia, huazim me të drejtë blerje për talentin kuqezi

Redi Kasa është futbollisti më i ri i Olimpija Ljubjana në Slloveni. Sulmuesi ka lënë Egnatian pas vetëm gjashtë muajve dhe do jetë pjesë e elitës sllovene, teksa për një sezon do jetë i huazuar.

Zyrtare/ Redi Kasa largohet nga Egnatia, huazim me të drejtë blerje për talentin kuqezi

Redi Kasa te Olimpija

Redi Kasa është futbollisti më i ri i Olimpija Ljubjana në Slloveni. Sulmuesi ka lënë Egnatian pas vetëm gjashtë muajve dhe do jetë pjesë e elitës sllovene, teksa për një sezon do jetë i huazuar, me Olimijan që ka të drejtë për ta blerë në fundin e sezonit që sapo ka nisur.

21-vjeçari shkëlqeu në Superligë në vetëm 17 paraqitje, ku ia doli të shënonte katër gola dhe të ishte shqetësim për mbrojësit në krahët e sulmit. Pritet që Egnatia të arkëtojë të paktën 350 mijë euro nga ky transferim, që do kompletohet fundin e sezonit.

Djaloshi kuqezi ka qenë pjesë e moshave U-17 të Kombëtares, teksa është një emër që mund të ndihmojë edhe ekipin A në të ardhmen, për vetë cilësitë që zotëron në sulm.

I dalë nga moshat e Parmës në Itali, Kasa ia doli të luante edhe me ekipin e parë të këtij klubi, për të vijuar më pas në Bullgari me Septemvri Sofia dhe Tsarsko Selo.

I lumtur për këtë transferim u shpreh 21-vjeçari, që pritet të tregojë cilësitë e tij edhe në kampionatin slloven të futbollit.

"Jam i lumtur që u bëra anëtar i Olimpijas. Me punë të mirë, dua të fitoj një vend në fushën e blertë në fillim dhe më vonë ta ndihmoj skuadrën të arrijë rezultatet e dëshiruara. Duke qenë se luaj në sulm, arritjet personale lidhen me golat. Do të doja t'i bëja sa më shumë njerëz të lumtur, por ekipi është gjithmonë i pari. Performanca e të gjithë ekipit. Besoj se në sezonin aktual mund të ndërtojmë atë që tashmë është bërë dhe të japim shumë gëzim te tifozët", tha Kasa për faqen e klubit.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Vlorë/ Po trafikonin 3,5 kg kokainë dhe heroinë me vlerë mbi 800 mijë euro, 'Vortex' arreston 2 persona! Kontrolle edhe në Fier (EMRAT)

Vlorë/ Po trafikonin 3,5 kg kokainë dhe heroinë me vlerë mbi 800 mijë euro, 'Vortex' arreston 2 persona! Kontrolle edhe në Fier (EMRAT)

30 Janar, 09:13