Tanimë është zyrtare, Redon Xhixha është rikthyer pas tre vitesh te Tirana. Bardheblutë që po vuajnë këtë sezon në Superligë dhe mbajnë vendin e fundit, kanë prezantuar një nga goditjet më të bujshme të janarit. Xhixha, 27-vjeçar, rigjen fanellën bardheblu tre vite pas largimit te Qarabag dhe përvojës te CR Belouizdad në Algjeri. Kontrata e nënshkruar është pesë mujore, me mundësi rinovimi edhe për një sezon tjetër.

Në 55 ndeshje me Tiranën në Superligë, Xhixha ka shënuar 32 gola dhe asistuar në shtatë raste, teksa ka qenë një nga futbollistët më të dashur për tifozët. Këtë sezon me klubin algjerian ai ka luajtur në vetëm pesë takime, ndërsa kalimi te CR Belouizdad duket se rezultoi një hap fals për të.

Xhixha ka luajtur edhe dy ndeshje me Kombëtaren A të Shqipërisë, teksa interesi për të ka qenë i madh edhe nga disa klube të tjera shqiptare, por në fund sulmuesi i lindur në Laç zgjodhi të rikthehej te Tirana, për të rikthyer golat dhe fitoret. Xhixha me Tiranën u shpall kampion i Shqipërisë në sezonin 2021-22, ndërsa në sezonin 2022-23 fitoi Superkupën.

"Historia e thirri dhe ai u përgjigj", shkruan ndër të tjera KF Tirana në prezantim.

Ky është afrimi i pestë për Tiranën në këtë merkato janari. Më parë bardheblutë kanë prezantuar edhe Emmanuel Ernest, Patrik Myslovic, Johan Enrique Cortes Alfaro dhe Freddy Antonio Alvarez Rodriguez.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 2 Shkurt, 13:24

    A e mbështesni kërkesën e gjyqtarëve për rritje page?

Lajme të tjera