SHKODËR - Vllaznia vazhdon të jetë aktive në merkato, duke zyrtarizuar të premte afrimin e mesfushorit Sherif Kallaku. Lajmi u konfirmua nga vetë klubi shkodran, i cili bëri të ditur se lojtari ka firmosur një kontratë dy vjeçare, që do ta mbajë në 'Loro Boriçi' deri në verën e vitit 2027.

Kallaku rikthehet në Superligë si një nga dëshirat kryesore të trajnerit Edi Martini, me të cilin ka punuar edhe më parë. Mesfushori 26-vjeçar është një emër i njohur për futbollin shqiptar, pasi më parë ka luajtur për skuadra si Laçi, Teuta, Tirana dhe Partizani, duke lënë gjurmë me paraqitjet e tij.

 "KF Vllaznia ka kënaqësinë të njoftojë arritjen e marrëveshjes me futbollistin Sherif Kallaku për të qenë pjesë e skuadrës tonë deri në vitin 2027. Lojtari ndërkohë pasditen e sotme (djeshme) ka zhvilluar edhe seancën e parë stërvitore me ekipin duke u vënë menjëherë në dispozicion të stafit teknik. Mirë se erdhe në familjen kuqeblu, Sherif!", njofton Vllaznia.

Pas Lirim Kastratit, ky është përforcimi i radhës për Vllazninë, që synon të ndërtojë një skuadër konkurruese për sezonin e ri, me ambicie të qarta për titull kampion që mungon prej sezonit 2000-2001.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera