Lideri demokrat Lulzim Bashaka ka reaguar për çështjen 'Babale' teksa e quajti të parregullt procesin e seancës paraprake të zhvilluar ditën e sotme. Ai akuzoi kreun e qeverisë Edi Rama se ka sabotuar procesin për të shpëtuar personat e implikuar në këtë çështje, duke u nisur që nga kreu i Grupit Parlamentar Taulant Balla.
"Skandali i përfshirjes së krerëve më të lartë politikë me porosi të Edi Ramës për të paguar një ish të dënuar, Alfred Alizotin, i cli ka pranuar të dënohet me një vit burg duke i hequr si zëri i atij që është vëllai i Fatmir Xhafës. Organet e ngarkuara me ligj dhe kushtetutë bashkëpunojnë me shkelësit e ligjit, Fredi Alizoti, Balla, Nushi, kupola e përfshirë në këtë skandal, vetë Veliu, të kapur në përgjimet zyrtare të prokurorisë, për të fabrikuar një cështje të rreme kundër gazetarit dhe kundër deputetit të opoiztës i cili publikoi dëshminë tronditëse, që detyroi shtetin të conte në burg Geron Xhafën. Prokuoria është pjesë e kësaj skeme mafioze, më urdhër të Donika Prelës e cila ka shkaktërruar drejtësinë. Prokuroria nuk ka guxuar as të nisë hetimet.
Edi Rama ka marrë në mbrojtje dhe ka promovuar autorët e këtij krimi shtetëror, duke marrë në mbrojtje dhe Taulant Ballën, i cili është një nga personat e kontaktit që bind Alizoitin që të shërbejë si mburojë për zyrtarët e lartë. Këtu ka ardhur vendi nën drejtimin e Ramës, kriminelët nuk hetohen, denoncuesit cohen në gjykatë. Dua t'i bëj që të qartë gjyqtarit dhe prokurorëve të cështjes që nuk do të shpëtojnë nga vettingu. Të jenë të sigurtë që një për një vettingu do t'iu bëhet publikisht nga PD, këtu zotohem si kryetar i opozitës sot dhe kryetar i maxhorancës nesër. Reforma në drejtësi ishte t'i jepte fund standartit që mbron kriminelët dhe dënon të pafajshmit", deklaroi Basha.