Banorët të fshatit Maliqit janë ngritur në protestë mëngjesin e kësaj të enjte.
Shkak sipas banorëve janë tokat të cilat ata i kishin në përdorim dhe të ndara me komision vite me parë ,por tashmë janë duke u privatizuar padrejtësisht nga një kompani private e cila do të marrë këto toka me lejen e ministrisë së Bujqësisë.
Banorët të gjithë këtë situatë e cilësojnë si katastrofe dhe shkatërrimin e tyre sepse të vetmet të ardhura i sigurojnë nga tokat bujqësore.
Ata kërkojnë me çdo kusht kthimin e tokave duke zbatuar të gjitha procedurat ligjore
Kryetari bashkisë Maliq Gëzim Topçiu duke pranuar problematiken bën me dije se kjo çështje i takon Ministrisë se Bujqësisë dhe jo bashkisë. Ndër të tjera sqaron se bashkia ka kundërshtuar kërkesën e ardhur nga MB për dhënien me qira të këtyre tokave, duke u bashkuar këtu me shqetësimin e banorëve.
Në total janë rreth 1500 ha tokë të banorëve të fshatit Maliq për të cilat banorët endë nuk kanë aktin e marrjes se tokës në pronësi, por pretendojnë zaptimin padrejtësisht të kësaj sipërfaqe.