Nuk janë pika kthese, por të paktën ka propozime nga Londra. Britania e Madhe dërgoi disa dokumente të shkruara në Bruksel për të 'thyer' bllokimin Brexit.
"Dokumentet do të jenë baza teknike për diskutime"-tha Mina Andreeva, zëdhënëse e Komisionit Evropian.
Bisedimet midis negociatorëve të Brexit, Michel Barnier dhe Stephen Barclay, do të zhvillohen në Bruksel ditën e sotme.
Sipas zëdhënëses së KE, propozimet me shkrim do të shërbejnë për të diskutuar çështje si doganat, prodhimet e manifaturës, rregulloret sanitare dhe fitosanitare, sipas raportit të hyrjes. Njoftimi nga Bruukseli vjen pas deklaratës së kryeministrit finlandez, i cili i kërkoi Mbretërisë së Bashkuar të dërgojë më shumë detaje deri në 30 shtator pasi 31 tetori po afron.
Është i ashtuquajturi Back Stop në kufirin irlandez ai për të cilin kanë më tepër kontradita Mbretëria e Bashkuar dhe Bashkimi Europian
Sistemi synon të shmangë një kufi tatimor midis Republikës së Irlandës dhe Irlandës Veriore, duke lejuar që ajo të vazhdojë të jetë pjesë e tregut të vetëm europian pas Brexit.
Gjatë tridhjetë viteve të konfliktit, nga viti 1968 deri në 1998, kufiri irlandez mbeti i militarizuar. Përplasjet përfunduan me nënshkrimin e marrëveshjes së të Premtes së Mirë. Për Bertie Ahern, ish-kryeministër irlandez, një Brexit pa marrëveshje kërcënon përparimin.
"Do të krijojë tensione dhe probleme sigurie në kufi. Ku do të përfundojmë? Zoti e di. Ne vijmë nga 30 vjet konflikt. Në këto 20 vjet ekonomia e Veriut është rritur dhe gjithashtu ajo e Jugut të ishullit është prosperuar. Të gjitha këto gjëra pozitive do të përkthehen në një listë negative".
Pesha e historisë varet nga liderët britanikë dhe irlandezë të cilët duhet të gjejnë një mënyrë për të dalë nga bllokimi në të cilin ata gjenden.