Politikani më i fuqishëm i Rumanisë, Liviu Dragnea është dërguar ditën e sotme në burg pasi u shpall fajtor për korrupsion nga gjykata më e lartë e vendit.
Dragnea u mor nga policia në shtëpinë e tij në Bukuresht për të filluar më tej një dënim prej tre vjet e gjysmë.
Ai u përcoll nga një sërë protestuesish, një prej tyre tundi një palë pranga përpara fytyrës së Dragneas, një tjetër hodhi një copë letre higjienike në makinën e tij teksa ai hyri në burg. Më vonë, të tjerët u mblodhën në Sheshin e Fitores në Bukuresht për të festuar vendimin e gjykatës.
Kjo ishte një goditje tjetër për udhëheqësin e Partisë Social Demokratike, menjëherë pasi ai ra nga pozita e deputetit të dielën, kur vendi përveç votimeve për parlamentin e BE-së votoi edhe referendumin anti-korrupsion.
Dragnea ka qenë ministër i administratës dhe më pas minisër i Brendshëm, por pozitat e tij është shoqëruar herë pas here me dyshime për keqpërdorime të detyrës.