Në botë numri i viktimave nga koronavirusi është në pragun e 155 mijë kurse të infektuarit numërohen më shumë se 2.5 milionë.
Në renditjen e Universitetit Johnd Hopkind SHBA ndodhen në vendin e parë me 37 mijë vdekje dhe 700 mijë raste), i ndjekur nga Italia (22,745 vdekje dhe 172 mijë infeksione) dhe Spanja (20 mijë vdekje dhe 190 mijë infeksione).
Në 3.453 viktima të tjera në SHBA, Texas hapet përsëri
Gjatë 24 orëve të fundit numri i vdekjeve në SHBA ishte 3453 kurse rastet e infeksioneve të reja ishin më shumë se 21 mijë për një total prej rreth 693 mijë kurse numri i përgjithshëm i viktimave është rritur në më shumë se 36 700.
Por presidenti Donald Trump vazhdon të mpreh optimizmin e tij dhe u shpreh se Shtetet e Bashkuara janë shumë afër dritës në fundin e tunelit.
Sipas Trump, në SHBA do të ketë rreth 60-65 mijë vdekje prej koronavirusit, "shumë më pak seç pritej", tha manjati i Shtëpisë së Bardhë, duke kujtuar se vlerësimet paraprake ishin nga 100 mijë deri 240 mijë të vdekur.
Guvernatori i Teksasit Greg Abbott njoftoi se do nxjerre një urdhër të ri për rihapjen e shtetit duke filluar nga 22 prilli urdhër që parashikon distancimin fizik dhe shoqëror, mbajtjen e maskës dhe jo grumbullim në grupe me mbi 5 persona. Gjithashtu shkollat do të vazhdojnë te qendrojnë të mbyllura.
Trump: "Disa shtete masa tepër të vështira"
Presidenti Donald Trump ka folur gjithashtu në favor të rihapjeve, përmes planit të tij me 3 lëvizje dhe tha se "Disa shtete kanë qenë shumë të ashpra" me masat e tyre kufizuese kundër koronavirusit. Sipas tij ashpërsia e masave ka nxitur revolta në Minesota, Michigan dhe Virxhinia.