Për shkak të COVID-19 dhe mbylljes së universiteteve, studentët që jetojnë në konvikte janë larguar drejt familjeve të tyre. Ata kanë kërkuar që në këtë periudhë të mos i paguajnë konviktet për aq kohë që nuk po jetojnë aty pasi nuk është e drejtë të paguhet. Në lidhje me këtë situatë ka reaguar vetë drejtoresha e konvikteve në Qytetin Studenti, Anila Shehu, e cila tha se të gjithë studentëve u është thënë që për aq kohë sa nuk do të jetojnë në konvikte për shkak të kësaj situate do u kthehen paratë që kanë paguar për këto muaj.