Kryetari i LZHK-së Dashamir Shehi që nga foltorja e kuvendit ka deklaruar se Edi Rama është i vetmi kryeministër në botë i cili brenda mandatit pranon se reforma për të cilën është mburrur, ka dështuar. Shehi iu referua Ligjit të Arsimit të Lartë kur tha se qeveria dështoi ta reformojnë atë që e pati objektiv të mandatit qeverisës.
“Ky është i vetmi kryeministër i cili pranon që atë që e bëri për reformë që e bëri për sukses, e pranon brenda mandatit të vet që ka dështuar. Kjo nga ana e pikëpamjes demokratike do ishte një mrekulli, arritje e madhe me thënë të drejtën. Që ai kryeministër që ka shkarravit vet mendon që janë shkarravina. Mirëpo nga ana e shtetit shqiptar, jo shqiptarë po kujtdo shteti qoftë ky, është një dështim i madh, i madh, është një turp i madh”, deklaroi Shehi.