Presidenti amerikan Donald Trump dhe rivali i tij Joe Biden, kanë pasur atë që njihet si një nga përplasjet më kaotike dhe me tonet më të larta në historinë e ShBA.
Tone tejet të larta dhe përplasje mbi temat më të nxehta në vend, si pandemia, supremacia e Barrshë dhe ekonomia gjatë debatit 90 minutësh të mbajtur në Shtëpinë e Bardhë.
Kështu u pa debati i parë presidencial mes presidentit Donald Trump dhe kandidatit demokrat Joe Biden, ku të dy garuesit për Shtëpinë e Bardhë nuk kursyen as ofendimet dhe akuzat personale kundrejt njëri tjetrit.
Një Biden me të cilin nuk jemi mësuar shpesh me tone tejet të larta dhe ofendime u shfaq mbrëmë, ku në momente të caktuara e quajti presidenti amerikan si kloun dhe i kërkoi edhe të pushojë ndërkohë që presidenti Trump u përgjigj se Biden nuk është aspak i zgjuar.
Kandidatët kaluan një pjesë të kohës duke debatuar mbi nominimin që Trump i bëri Amy Coney Barrett si gjyqtare në Gjykatën Supreme për të zëvëndësuar të ndjerën, Ruth Bader Ginsburg. Biden dhe demokratët e tjerë e kanë kundërshtuar Trumpin për vendimin e ndërmarrë kaq pranë mbajtjes së zgjedhjeve, të cilët insistojnë në zgjedhjen e zëvëndësit të Ginsburg pas zgjedhjeve të 3 Nëntorit.
Pika e dytë ku u përballën dy kandidatët duke ngritur herë pas here zërin ishte edhe pandemia, ndërkohë që presidenti amerikan fajësoi Kinën për përhapjen e virusit, Joe Biden akuzoi presidentin për keqmenaxhim të situatës dhe se ai ka një plan për rimëkëmbjen e vendit.