Në orën 19:00 të mbrëmjes së sotme do të zhvillohet derbi Partizani-Tirana në stadiumin e ri kombëtar që u inaugurua me ndeshjen Shqipëri-Francë në nëntor, ndërsa kjo do të jetë sfida e parë për kampionatin. Për këtë ndeshje do të ketë një numër rekord tifozësh, ashtu sikur ndodh vetëm në sfida të tilla kur luhet derbi, që është vitrina e futbollit shqiptar.
Rreth 20 mijë bileta janë shitur për këtë ndeshje. Klubi Partizani ka vendosur që të dhurojë 50% të të ardhurave nga biletat e derbit me Tiranën për familjet e prekura nga tërmeti i 26 nëntorit.