Pasi zbritën nga avioni, shqiptarët u transportuan me autobus drejt dy hoteleve në Durrës nën masa të rrepta të distancimit social. Përpara se të futeshin me maska dhe doreza, u dezinfektuan, ndërsa në autobus, punonjësi i kompanisë shpjegoi për Report Tv se në cdo sedilje dyshe do të ulet vetëm një person dhe jo dy, pra duke ruajtur distancën. "Autobusi ka 36 vende, por çdo sedilje dyshe do të ketë një pasagjer jo dy. Deri tani janë 60-70 persona. Asnjë pasagjerë nuk do të lejohet pa masat mbrojtëse. U bë dezinfektimi i të gjithëve" tha ai.