DIBËR- Një person është ndaluar ditën e sotme në doganën e Bllatës në Dibër pasi kishte ngarkuar kamionin me mbi 200 kilogramë kanabis. Sipas burimeve, lënda narkotike është gjetur në një kamion me targa AA 450 YE me logot e një mobilierie.
Kamioni drejtohej nga 26-vjeçari Florian Alimani nga fshati Gjoricë, por me banim në Durrës. Alimani kishte si destinacion Maqedoninë e Veriut dhe droga dyshohet se nuk është ngarkuar në Dibër, por në një vend tjetër. I ndaluari e kishte përshtatur hapësirën e kamionit, ku kishte fshehur kanabisin e ndarë në pjesë.