Media italiane “Corriere.it” shkruan se në Milano është shkatërruar një grup i strukturuar i dyshuar kriminal, që merrej me trafik kokaine në Evropën Veriore dhe në pjesën e Italisë veriore, në tërësi. Nga ky grup, 11 vetë janë arrestuar, e se ndër këta 9 janë shqiptarë dhe 2 italianë. Hetimet e kryera nga Sektori i Kontrollit të drogës të skuadrës së Milanos, në koordinim me Prokurorinë Publike të Milanos, kanë filluar në fund të vitit 2015 dhe ndihmoi për të identifikuar dy grupe të ndryshme kriminale që importuan sasi të mëdha të kokainës nga Holanda, duke përdorur makina të pajisura me ndarje sekrete.
Ndërlidhësi italian
Grupi i parë i trafikantëve është identifikuar në Turro të Milanos, ku shqiptarët do të takohen në barin ‘Vitaminat’. Gjatë disa takimeve ishte e mundur të identifikohen tre nga “udhëheqësit” që organizuan importimin e kokainës nga Holanda në Itali përmes një korrieri italian. Më 1 shkurt 2016 grupi i parë organizoi importin e 5 kg kokainë nga Holanda në Milano. Është vërejtur se ka pasur pajisje sekrete në makinë.
Shoferi shqiptar i kamionit
Grupi i dytë i trafikantëve, gjithmonë formuar nga shqiptarët, ka vepruar në Bresso Cusano Milanino, në veri të Milanos, ku kokaina e importuar nga Holanda u ruajt në depo. Ky grup fillimisht ka përdorur korrier droge italian. Në një fazë të dytë ata kanë punësuar një shofer kamioni shqiptar, duke përfituar nga rrugët që bënte ai nga Holanda në Itali, e kanë “futur” atë në këtë “tregti”. Pas hetimeve, fillimisht u arrestuan 5 vetë
Mesazhet e koduara me fjalën «Berluskoni»
Kur në agim u kryen 11 arrestimet, janë konfiskuar mbi 16 kilogramë hashash, 2.5 kg kokainë dhe 7000 euro të gatshme. Në hetime është vënë re se trafikantët në disa raste kanë pasur mesazhe të koduara. Ata kanë përdorur në mesazhe fjalën “Berluskoni”. Emri i ish-kryeministrit italian është përdorur për faktin se është një “fjalë” e cila ka 10 shkronja. Kështu, B ata i thoshin të parit person, me E i drejtoheshin të dytit, e kështu me radhë. Hetuesit zbuluan dhe ç’montuan kështu këtë grup kriminal të trafikut të lëndëve narkotike nga Holanda në Milano.