Edmond Budina: Do ringremë sërish tempullin e lirisë, vetë Michele Placido e cilësoi shembjen turp

23 Maj, 19:21

Regjisori Edmond Budina tha se prej 2 vjetësh ata kanë mbrojtur teatrin nga tiranët që erdhën ë shembën në mes të natës. Ai tha se ai teatër do të ngrihet sërish si simbol i lirisë dhe demokracisë. Budina përmendi dhe një telefonatë me aktorin e njohur nga shqiptarët si Komisar Katani, i cili i kishte thënë se shembja e tij ishte një turp i madh.

"Jemi këtu për të ngritur këtë ndjesi kombëtare dhe të bëhemi të gjithë bashkë për të vënë në qendër kulturën tonë, paqen dhe jo dhunë e drogën apo mafien. Jemi këtu për të dhënë një shembull qytetari. Ne nuk zaptuam teatrin, por e çliruam atë. Ata tinëzisht e shkatërruan natën të njëjtën gjë do të bënin që në 24 korrik, por nuk i lejuam. Kam folur personalisht me aktorin Michele Placido dhe më tha trup i madje që po shembet ai teatër. Gjesti i tyre donte të godiste simbolin e lirë, të demokracisë dhe për këtë ne jemi rrugëve që ta ringremë atë teatër, të ngremë tempullin e demokracisë dhe qytetarisë shqiptare. Të jemi të gjithë së bashku për të treguar se jemi të gjithë qytetar dhe të bashkuar", tha Budina.

Kategori të tjera