Një ditë përpara se Agim Kajmaku të arrestohej me 20 kg kokainë fshehur mes vazove të luleve në Itali, Report Tv mëson se edhe në Shqipëri policia kishte ndërmarrë një operacion. Një nga kamionët e kompanisë së luleve të Kajmakut që e drejtonte vëllai i ish-kryebashkiakut të Vorës, i është nënshtruar një kontrolli të imtësishëm në Portin e Durrësit. Report Tv sjell pamjet ekskluzive teksa policia zbulon vende të fshehta të modifikuara, por pa arritur të kapë drogë.