Ekskluzive/ Zbardhet intenerari i plotë i jahtit turk të braktisur në Shëngjin...kapiteni fiku transponderin në Dhërmi dhe Durrës

Detaje të reja kanë dalë në dritë nga historia e jahtit turk të braktisur në Shëngjin. Pista kryesore e hetimin, siç është raportuar më herët, është prishja e pazareve të drogës. Report Tv, në emisionin "Pa Gjurmë" ka mësuar nga hetuesit se për herë të fundit ky jaht është regjistruar në portin e Tivarit në Malin e Zi, aty ku kapiteni Sezgin Yavuz ka qëndruar për disa ditë dhe në datën 2 shtator është larguar prej aty. Sinjali i fundit i përket 17.42 minuta në afërsi të Budvas ku dhe më pas komunikimi i tij me radar është fikur. Report TV ka siguruar intenerarin e jahtit nga data 1 korrik, deri në datën 2 shtator, nga ku rezulton që kapiteni, Yavuz, për motive ende të paqarta në 15-16 korrik ka fikur transponderin.

1 korrik vjen nga Bodrumi 

15 korrik ndalon në brigjet pranë Sarandës

Në 15 korrik prej orës 12:00 është afruar pranë brigjeve të Sarandës ndërsa në 12:15 ka ulur shpejtësinë dhe është ndaluar në det pranë brigjeve të Sarandës.

15 korrik - Fik transponderin pranë Dhërmiut dhe e ndez pas 8 orësh pranë Divjakës

 Më 15 korrik në orën 15:30 ka fikur transponderin pranë Dhërmiut dhe e ka ndezur përballë Divjakës në orën 00:20 minuta të 16 korrikut. Pas 8 orësh.

16 korrik 02-37 fik transpondrin përballë Durrësit, ndez pas 6 orësh pranë Velipojës

Në orën 02:37 të mëngjesit ka fikur transponderin përballë Durrësit  dhe e ka ndezur rreth orës 8 përballë në det  Velipojës. Pas 6 orësh.

Nga 1 gushti nuk është futur më në brigjet shqiptare

2 shtator sinjali i fundit pranë Kotorrit

 Në 30 gusht pasdite ka filluar të afrohet pranë Budvas. Ku ka ndaluar pranë Portit të Budvas në 30 gusht. Ndërsa ka fikur transponderin për 3 ditë.

Transponderi është ndezur për herë të fundit në 2 shtator kur jahti ishte në det përballë Kotorrit.