Një person ende i paidentifikuar nga forcat policore ka grabitur 50 mijë lekë të rinj në një agjenci për dhënie kredie të vogla në lagjen "Kongresi" në qytetin e Elbasanit. Sipas një informacioni paraprak të policisë, personi ka pasur me vete një thikë, nën kërcënimin e së cilës ka arritur të vjedhë lekët. Kjo agjenci ndodhet vetëm 100 metra larg komisariatit të Policisë.
"Policia ka shkuar menjëherë në vendngjarje, ka ngritur disa pika kontrolli si dhe po kreh zonën për kapjen e autorit. Grupi hetimor po grumbullon çdo provë të vlefshme që do çonte në identifikimin e autorit", thuhet në njoftimin e policisë.